Тошкент рекорд даражадаги қатнашчилар иштирок этадиган Жаҳон чемпионатига мезбонлик қилади

Мусобақада йигитлар ва қизлар ўртасида 10 тадан вазн тоифасида рекорд даражадаги спортчилар иштирок этиши кутилмоқда.

Мусобақалар пойтахтимиздаги муҳташам "Олимпия шаҳарчаси"да жойлашган Яккакураш спорт мажмуасида бўлиб ўтади. Ушбу нуфузли тадбир дунёнинг энг иқтидорли ёш спортчиларини бир жойга жамлаб, уларнинг таэквондодаги фаолиятида навбатдаги муҳим босқич бўлиб хизмат қилади.

Жами 118 та давлатдан 990 нафар спортчи мусобақа учун рўйхатдан ўтган. Бу кўрсаткич 2024 йилда Чунчеонда ўтказилган ёшлар ўртасидаги Жаҳон чемпионатидаги 963 нафар иштирокчи рекордидан ҳам ошди.

Йигитлар ўртасидаги вазн тоифалари -45 кгдан +78 кггача, қизлар ўртасида эса -42 кгдан +68кггача белгиланган. 2009 йил 1 январдан 2011 йил 31 декабргача туғилган спортчилар ушбу мусобақада қатнашиш ҳуқуқига эга.

Маълумот ўрнида таъкидлаш лозим, Тошкент аввал ҳам, аниқроғи, 2019 йилда ёшлар ўртасидаги Жаҳон чемпионатига мезбонлик қилган эди.