Тошкентда бокс бўйича жаҳон чемпионати расман якунланди. Мусобақанинг сўнгги кунида 2 та олтин, 2 та кумуш медалга эга чиқдик!

Жаҳон чемпионатининг сўнгги куни доирасида тўрт нафар ўзбекистонлик боксчи олтин медаль йўлида рингга кўтарилди, шунингдек, яна икки вазн тоифасида финал жанглари ўтказилди:

1. -54 кгда: Маҳмуд Сабирхан (Қозоғистон) - ОЙБЕК ЖЎРАЕВ, (Ҳакамларнинг якдил қарори билан, 5:0)
2. -57 кгда: Хорта Родригес (Куба) - АБДУМАЛИК ХАЛОКОВ, (Ҳакамларнинг якдил қарори билан, 0:5)
3. -63,5 кгда: РУСЛАН АБДУЛЛАЕВ - Чинзориг Баатарсуҳ (Мўғулистон), (Ҳакамларнинг якдил қарори билан, 5:0)
4. -71 кгда: Асланбек Шимбергенов - САИДЖАМШИД ЖАФАРОВ, (Ҳакамларнинг якдил қарори билан, 5:0)
5. -80 кгда: Танглатиҳан Туоҳетаэрбиеке (Хитой) - Нурбек Оралбай (Қозоғистон), (Ҳакамлар қарори билан, 1:4)
6. -86 кгда: Домингес Альфонсо (Озарбайжон) - Шарабутдин Атаев (Россия), (Ҳакамлар қарори билан, 1:4)
7. -92 кгда: Муслим Гажимагомедов (Россия) - Азиз Муҳидин (Италия), (Ҳакамлар қарори билан).

Шундай қилиб, Ўзбекистон терма жамоаси бокс бўйича 2023 йилги жаҳон чемпионатини 5 та олтин, 2 та кумуш, 2 та бронза медали билан умумжамоа ҳисобида биринчи ўринда якунлади.

МАТНЛИ ТРАСЛЯЦИЯ


19:54. Дўстлар, юртимизда қарийб икки ҳафта давом этган бокс биринчилиги ўз ниҳоясига етмоқда. Ҳар томонлама ажойиб атмосфера бағишлай олган чемпионатни кўп вақт соғиниб, эслаб юришимиз аниқ. Айнан мазкур чемпионатда терма жамоамиз ўз рекордини янгилади, айнан мазкур чемпионатда бир қанча боксчиларни ўзимиз учун кашф қилдик. Барчаси учун рахмат!

19:46. Жаҳон чемпионатининг сўнгги финал жангида россиялик Муслим Гажимагомедов Италия вакили Азиз Муҳиддинни мағлуб этиб, Россияга иккинчи олтин медални тақдим этди.

19:25. Россия ўзининг илк олтин медалини қўлга киритди. Шарабутдин Атаев Озарбайжон номидан жанг қилган Домингес Альфонсони 4:1 ҳисобида мағлубиятга учратиб, жаҳон чемпионати олтин медалини қўлга киритди.





18:51. Қозоғистон терма жамоасида тўртинчи олтин! Нурбек Оралбай хитойлик рақибини 4:1 ҳисобида енгиб, жаҳон чемпионига айланди.





18:31. Ажойиб! Иккинчи мағлубият, иккинчи принципиал қарама-қаршиликдаги мағлубият! Иккинчи кумуш! Саиджамшид Жафаров Асланбек Шимбергеновга 0:5 ҳисобида мағлубиятга учради.

18:26. Иккинчи раунд учун ҳисоб 3:2, Саиджамшид фойдасига. Умумий ҳисоб 2:0, Асланбек олдинда.

18:21. Саиджамшид Жафаров иштирокидаги жангда биринчи раунд якунланди. Ҳисоб 5:0, рақиб фойдасига.




17:56. Абдуллаев мўғулистонлик рақибини 5:0 ҳисобида енгиб, жаҳон чемпионига айланди! Бешинчи олтин муборак!

17:46. Руслан Абдуллаев иштирокидаги жангнинг биринчи раундидан сўнг ҳисоб 4:1, Руслан фойдасига.





17:38. Абдумалиииииик Халокоооооооов! Бизда тўртинчи олтин медаль ҳам нақд! Баракалла Абдумалик!

17:32. Иккинчи раундда 4:1, умумий ҳисобда эса 4:0 ҳисобида олдиндамиз.

17:26. Биринчи раундда ҳисоб 5:0, Абдумалик фойдасига. Ҳамюртимиз бу раундда рақибини нокауд ҳолатига ҳам тушириб қўйди.

17:22. Абдумалик Халоков рингга чиқиб келмоқда.




17:18. Афсус! Ойбек Жўраев ўзига берилган имкониятни оқлай олмади! Бизда илк кумуш!

17:12. Иккинчи раундда ҳам қозоғистонлик боксчи 4:1 ҳисобида ғалаба қозонди.

17:08. Илк раунддан сўнг ҳисоб 5:0, рақиб фойдасига!

17:02. Ойбек Жўраевнинг Маҳмуд Сабирханга қарши жанги бошланмоқда.

16:51. Бугунги жанглар бошланиш арафасида.

16:04. Ассалому алайкум қадрли бокс мухлислари. Бугун Тошкентдаги бокс бўйича жаҳон чемпионатининг сўнгги кунидан ўрин олган жангла бўлиб ўтади. Ҳа, афсус, жаҳон чемпионати бизни тарк этмоқда( Аммо, бугун яна тўртта олтин медаль қўлга киритиш орқали буни унутишимиз мумкин. Шундай экан, бир соатдан сўнг телевизорингиз пультини UzReport'га созланг ёки IBA расмий сайтидан ҳамюртларимиз ижросидаги кетма-кет тўртта жангни томоша қилинг.