06 янв 17:31
Янгиликлар

Бокс/ММА

Тошкентда бокс бўйича халқаро турнир старт олди ФОТОГАЛЕРЕЯ

Бугун Яккакураш спорт турларига ихтисослаштирилган болалар ва ўсмирлар спорт мактабида бокс бўйича Ўзбекистон бокс фахрийлари шарафига бағишланган халқаро хотира турнири старт олди.

Мусобақада Республикамизнинг турли ҳудудларидан ташқари Қозоғистон, Россия ва Тожикистондан ташриф буюрган ёш чарм қўлқоп усталари кураш олиб боришмоқда.

2004-2005 йилларда таваллуд топган боксчилар 15 та вазн тоифасида беллашишмоқда. Медаллар учун 200 нафарга яқин спортчи кураш олиб бормоқда.

Бугун мусобақанинг тантанали очилиш маросими бўлиб ўтди. Унда Ўзбекистон бокс федерацияси мутасаддилари, боксимиз фахрийлари, спортчи ва мураббийлар, ҳакамлар, мухлислар ва ОАВ ходимлари иштирок этишди.

Баҳслар қизғин равишда давом этмоқда. Жанглар ҳар куни соат 11:00да старт олади. Финал жанглари 10 январь куни ташкил этилади.