28 май 14:10
Янгиликлар
Бокс/ММА
Тошкентда жанг қилаётганимдан хурсандман, сабаби... — Аҳмадалиев
Проф бокснинг иккинчи энг енгил вазнида ўзбекистонлик собиқ жаҳон чемпиони Муроджон Аҳмадалиев навбатдаги жанги олдидан фикрлари билан ўртоқлашди.
"Ўзимни жуда яхши ҳис қиляпман. Бу жангга жуда яхши тайёргарлик кўрдик. Тошкентда жанг қилаётганимдан жуда хурсандман. Чемпионлик камаримни биринчи марта Тошкентда ҳимоя қилганман. Худо хоҳласа, мухлислар ва бутун халқимизга чиройли жанг кўрсатаман. Бу жанг мен учун жуда муҳим. Чунки мен ҳали охирги жангимдан буён рингга чиқмадим", дейди Аҳмадалиев.
Аввал хабар берганимиздек, Муроджон 29 май куни "Ҳумо арена"да бўлиб ўтадиган проф бокс оқшомининг марказий жангида Венесуэла вакили Эгли Москеда билан жанг қилади.
Маълумот учун, Муроджон Аҳмадалиев фаолияти давомида ҳозиргача 16 та жанг ўтказиб, 14 та ғалаба ва 2 та мағлубият қайд этган. 30 яшар Москеда ҳисобида эса 27 та ғалаба ва 1 та мағлубият бор.
Ҳавола :
Манба : Olamsport.com
Фикрлар