20 сен 16:31
Янгиликлар

Таэквондо

Тошкентда "Корея элчиси кубоги" старт олмоқда

22-23 сентябрь кунлари пойтахтимиздаги "Универсал" спорт мажмуасида таэквондо WTF бўйича Корея Республикасининг Ўзбекистондаги элчиси кубоги учун мусобақа бўлиб ўтади.

Баҳсларда Республикамизнинг турли ҳудудларидан 350 нафардан ортиқ сараланган спортчилар иштирок этишади. Мусобақанинг тантанали очилиш маросими 22 сентябрь куни соат 11:00да Таэквондо WTF ассоциациясига қарашли "Универсал" спорт мажмуасида бўлиб ўтади.

Очилиш маросимида Жанубий Кореянинг жаҳонга машҳур "Куккивон" таэквондо маркази вакиллари томонидан тайёрланган шоу, кўргазмали чиқишлар ҳам намойиш этилади. Ажойиб томоша, кескин курашлар гувоҳига айланишни истасангиз 22-23 сентябрь кунлари "Универсал" спорт мажмуасига ташриф буюринг.