Тошкентда паралимпия дзюдоси бўйича Осиё ва Океания чемпионати бўлиб ўтмоқда

Тошкент шаҳридаги “Универсал” спорт саройида илк маротаба паралимпия дзюдоси бўйича 2020 йил Токиода бўлиб ўтадиган ёзги Паралимпия ўйинларига рейтинг очколарини берадиган Осиё ва Океания чемпионати бошланди.

Ушбу мусобақада Осиёнинг энг кучли Эрон, Жанубий Корея, Ҳиндистон, Ироқ, Тожикистон, Хитой Тайпей, Тайланд, Қозоғистон ва жаҳоннинг энг кучли жамоаси ҳисобланадиган Ўзбекистон жамоалари иштирок этмоқдалар.
Мусобақанинг очилиш маросимида эстрада юлдузлари, болалар ва миллий рақс ансамбиллари ўз дастурлари билан иштирок этдилар. Очилиш маросимида Ўзбекистон Миллий Паралимпия Ассоциацияси раиси ўринбосари

Ташходжаев Мухторхон сўзга чиқиб барча иштирокчиларни бугунги мусобақа билан табриклади ва чемпионатни очиқ деб эълон қилди.

26 май ҳолатига кўра аёллар вазнларида:
-48 кг 1-ўринни Комилова Ёқутхон (Ўзбекистон), 2-ўринни Лее Кай Лин (Хитой Тайпей), 3 ўринни Хуррамова Лобар (Ўзбекистон) эгалладилар.
-52 кг 1-ўринни Саллаева Севинч (Ўзбекистон), 2-ўринни Вонгчонгпху Метхини (Тайланд) эгаллади.
-57 кг 1-ўринни Шерипбоева Нафиса (Ўзбекистон), 2 ўринни Кхвайнгмуянг Аитсарапхон (Тайланд) эгаллади.

Эркаклар вазнларида:
-60 кг 1-ўрин Рио-2016 Паралимпия ўйинлари чемпиони Намозов Шерзод (Ўзбекистон), 2-ўрин Ли Мин Жай (Жанубий Корея), 3-ўрин Банитаба Хорам Абади Сейед Мейсам (Эрон), 3-ўрин Жанг Сеонгжин (Жанубий Корея) эгаллади.
-66кг 1-ўрин Рахмати Сайид (Эрон), 2-ўрин Турумбетов Азамат (Қозоғистон), 3-ўрин Сингх Жайдипкумар Хридая (Хиндистон), 3-ўрин Туймурадов Адизжон (Ўзбекистон) эгаллади.
-73 кг 1-ўрин Сайидов Феруз (Ўзбекистон), 2-ўрин Караматов Даврухон (Ўзбекистон), 3-ўрин Даулет Темиржан (Қозоғистон), 3-ўрин Янг Сюнгжун (Жанубий Корея) эгаллади.

Бугун аёллар -63кг, -70кг: эркаклар -81кг, -90кг, -100кг, +100кг вазнларда баҳслар бўлиб ўтади.