Тошкентда Президент Олимпиадаси бошланмоқда

Бугундан мусобақа иштирокчилари Тошкентда жам бўлишмоқда. Эртага эса юртимизнинг энг кучли ёш спортчилари ғолиблик учун баҳсларга киришишади.

Бокс, эркин кураш, юнон-рум кураши, дзюдо, оғир атлетика, енгил атлетика, 3х3 баскетбол, бадиий гимнастика, таэквондо WТ, стол тенниси каби 10 та Олимпия спорт турини ўз ичига олган баҳслар Олимпия шаҳарчаси, Чирчиқ Олимпия ва Паралимпия спорт турларига тайёрлаш маркази ҳамда Гимнастика бўйича Олимпия захиралари болалар ва ўсмирлар спорт мактабида ташкил этилади.

15-17 ёшли ўсмирлар ўртасида ўтказиладиган ушбу мусобақа миллий терма жамоаларимизга иқтидорли ёшларни селекция қилиш йўлида муҳим аҳамият касб этади.