04 авг 16:51
Янгиликлар
Таэквондо
Тошкентда яна бир йирик спорт мусобақаси ўтказилади
Вазирлар Маҳкамасининг жорий йил 24 июлдаги фармойишига кўра, Тошкент шаҳрида 11-13 август кунлари таэквондо WTF бўйича Бутунжаҳон таэквондо федерацияси Президенти кубоги — G2 туркумига кирувчи Осиё минтақаси баҳслари бўлиб ўтади.
Ушбу турнир Токио-2020 Олимпия ўйинлари учун лицензион очколарни тақдим этади. Илк бор ўтказилаётган ушбу мусобақа қитъа ва жаҳоннинг 30дан ортиқ давлатининг 500 нафардан ортиқ энг етакчи таэквондо устасини пойтахтимизга жамлайди.
4-7 август кунлари Россия Федерацияси пойтахти Москва шаҳрида Гран-При мусобақалари ҳам бўлиб ўтади. Унда иштирок этиш учун терма жамоамиз аъзолари – Нигора Турсунқулова (-67 кг), Максим (-80 кг) ва Никита Рафалович (-74 кг) эртага Москвага жўнаб кетишади.
Эслатиб ўтамиз, Бутунжаҳон таэквондо федерацияси Президенти кубогининг Грецияда бўлиб ўтган Европа босқичида вакилларимиз ҳам иштирок этишган ва Никита Рафалович (-74 кг) бронза медалини қўлга киритган эди.
Ҳавола :
Манба : taekwondo.uz
Фикрлар