Тошкентдаги бокс оқшоми учун чипталар қанчадан сотилмоқда? Жангларни қайси телеканал намойиш этиши ҳам маълум

Турнирнинг асосий жанги супероғир вазнда ўтказилади. Рингда мағлубият ва муроса нималигини билмай келаётган боксчилар Баҳодир Жалолов (16-0-0) ҳамда нигериялик Соломон Адебайо (14-0-0) ўзаро тўқнаш келади.  

Оқошомнинг co-main event, яъни аҳамияти жиҳатидан иккинчи жанги ярим ўрта вазн тоифасида ташкил этилади. Унда чарм қўлқоп устамиз Шаҳрам Ғиёсов (17-0-0) россиялик Марк Урванов (25-4-2)га қарши рингга кўтарилади. Ғиёсов проф боксда 17 та жанг ўтказган бўлиб, барчасида ғалаба қозонган. Урванов 25 ғалаба, 4 мағлубият ва 2 дуранг қайд этган. Ҳар икки жанг 8 раунд этиб белгиланган. 

Маълум бўлишича, турнир учун чипталар нархи 50 000 сўмдан бошланиб, 1 млн 200 минг сўмгача сотилмоқда. Беллашувларни Setanta Sports платформаси намойиш этиши белгиланган.

Жанглар соат 18:00 да бошланади.