TUF 33. Фурқатбек Ёқубов яна жанг қилмади. Ҳамюртимиз учун икки рақиб қолмоқда, улардан бири қозоқ!

Унда яримўрта вазн тоифасидаги жанг ўтказилди. Украина вакили, кўрсатувда Даниэль Кормье жамоаси сафида иштирок этаётган Даниил Донченко Чейл Сонненнинг жамоасидаги бразилиялик Ричард Мартинс устидан икки раунд якунига кўра очколар ҳисоби бўйича ғалаба қозонди.

Бу ғалаба орқали ўз вақтида Амирхон Алихўжаевни мағлуб этган Донченко TUF 33 1/2 финалига йўл олди.

Шоунинг учинчи жанги ўта енгил вазн тоифасида мексикалик Иманол Родригес ҳамда Ҳиндистон вакили Аршиян Мемон ўртасида кечади.

The Ultimate Fighter 33 шоусининг ўзбекистонлик иштирокчиси Фурқатбек Ёқубов олдида эса икки рақиб қолмоқда — қозоғистонлик Алиби Идрис ёки ЖАР мамлакатидан ташриф буюрган Тумело Маньямала.

Кўрсатувнинг учинчи қисмида ярим ўрта вазн тоифасидаги жанг эълон қилинади. Шундай экан, Ёқубовнинг рақиби тўртинчи қисмда эълон қилиниши мумкин.