06 апр 09:41
Янгиликлар
Таэквондо
Тунисда Таэквондо WTF федерациясининг 29-Бош ассамблеяси бўлиб ўтди
Бугун Туниснинг Хаммамет шаҳрида шу йили Аргентинада бўлиб ўтадиган ёшлар Олимпиадасига йўлланма берувчи саралаш мусобақаси бошланади.
Айнан Хаммаметда 9-13 апрель кунлари ўсмирлар ўртасидаги жаҳон чемпионати баҳслари ҳам бўлиб ўтади. Кеча “Sol Azur Beach” меҳмонхонасида ушбу тадбир доирасида Бутунжаҳон таэквондо федерациясининг 29-Бош ассамблеяси бўлиб ўтди.
Унда кун тартибидан ўрин олган бир қатор масалалар билан бирга спорт турининг янги қонун-қоидалари, 2017 йил якунлари, таэквондони янада ривожлантириш чора-тадбирлари, жорий йилда Аргентинанинг Буэнос-Айрес шаҳрида ўтказиладиган ёшлар ўртасидаги Олимпия ўйинлари баҳсларини муносиб ташкил этишга доир вазифалар келишиб олинди.
Маълумот учун, ушбу Ассамблеяда Ўзбекистон таэквондо (WTF) ассоциацияси бош котиби Аббос Латипов ҳам иштирок этди.
Ҳавола :
Манба : olamsport.com
Фикрлар