22 июн 14:18
Янгиликлар

Бокс/ММА

Турки Ал аш-Шайх: "Фьюри - Жошуа жанги ҳақидаги маълумотни фақат мендан олинг"

Саудиялик промоутер Турки Ал аш-Шайх британиялик икки машҳур оғир вазн тоифаси вакиллари Энтони Жошуа ва Тайсон Фюри ўртасидаги жанг санаси ва манзили ҳақида гапирди.

"Жанг қаерда бўлиши ва уни ким билан ўтказишимни ҳали ҳал қилмадим. Баъзи одамлар эса бу ҳақда турли ҳикоялар тўқиб чиқаришмоқда. Агар фактларни билишни истасангиз, унда мендан ёки The Ring журналидан маълумот олинг. Агар вақтингизни беҳуда сарфламоқчи бўлсангиз, унда бошқаларни тингланг.

Ўйлайманки, сиз мени сўнгги йилларда синаб кўрдингиз. Айтганимни бажаришимни аллақачон биласиз", - деб ёзди Турки ижтимоий тармоқдаги саҳифасида.

Фьюри - Жошуа жанги шу йилнинг охирида бўлиб ўтиши кутилмоқда. Бунгача Тайсон ҳам, Энтони ҳам биттадан жанг ўтказади.