Турки Ал аш-Шейх: "Супероғир вазнга қора танли чемпион керак!"

Катта жангларни ташкил этаётган Шейхнинг фикрича, супероғир вазнда келиб чиқиши африкалик бўлган қора танли боксчи камарлардан бирига эгалик қилса, профессионал бокс бундан фақат ютган бўларди. 

"Одатда мен дин ва эътиқод мавзуси, одамларнинг ирқи масалаларини четлаб ўтаман. Лекин ўйлашимча, агар супероғир вазнда қора танли чемпион бўлганида, бу дивизион жангларига қизиқиш яна ҳам ортиб кетарди. Ўтган асрнинг 60-70 йилларидаги Муҳаммад Али даври қайтишини хоҳлардим. Ўша пайтда супероғир вазнда бир вақтниг ўзида 3-4 нафар афсонавий боксчилар рингга чиқар эди. Ҳозир америкалик иқтидорли ёшлар америкача футбол ёки баскетболни танлаяпти. Бокс улар учун сўнгги танлов вариантни бўлиб қолмоқда. Биз бу қарашни ўзгартирмоқчимиз", — деди Ал аш-Шейх.