14 окт 19:00
Янгиликлар

Бокс/ММА

Уайлдер Фьюрига "қонли оқшом" ваъда қилди

Супероғир вазн тоифасида WBC йўналиши чемпиони Деонтей Уайлдер собиқ жаҳон чемпиони Тайсон Фьюрига қарши кечадиган реванш жанги ҳақида гапирди.

Режага кўра ушбу жанг 2020 йилнинг февраль ойида ўтказилиши керак. Британиялик боксчи Отто Уаллин билан бўлиб ўтган жангидан сўнг тўғри касалхонага олиб кетилганди.

"Асосий мақсадим - Отто жароҳат етказган жойга зарба йўллашдан иборат бўлади. Нафақат аввалги ёрилган қоши, балки иккинчи томонидан ҳам туйнук очиб қўяман. Бир сўз билан айтганда Фьюрига "қонли оқшом" ваъда қиламан. Аҳмоқ, яхшилаб хордиқ чиқариб ол! Ўша тун сенинг ҳаётингдаги энг узоқ давом этгани бўлади", - деди Уайлдер.

Эслатиб ўтамиз, Деонтей Уайлдер 23 ноябрь куни АҚШнинг Невада штати Лас-Вегас шаҳрида Луис Ортисга қарши рингга кўтарилади.