09 июн 15:01
Янгиликлар
Уайлдер Жошуа эмас, бошқа боксчига қарши рингга кўтарилади
Бу маълумотни Бутунжаҳон бокс уюшмаси (WBC) президенти Маурицио Сулейман ҳам тасдиқлади. Унинг сўзларига кўра, ташкилотнинг июнь ойи рейтингида ўзгаришлар бўлади ва бу ҳолат Уайлдернинг кейинги рақибини аниқлаб берган.
Рейтингда биринчи ўринни эгаллаб турган Диллиан Уайт саралаш турнирида тўртинчи поғонадан жой олган кубалик Луис Ортисга қарши рингга чиқишдан бош тортган. Бунинг натижасида янги рейтингда у пешқадамликни бой беради.
Ортис билан жанг қилишга эса рейтингда еттинчи ўринни банд этган Чарльз Мартин даъвогар бўлиб турибди. Ушбу баҳс ғолиби эса кейинчалик WBC чемпиони Деонтей Уайлдер билан жанг ўтказишга расмий даъвогарга айланади.
Уайлдер ҳозирги ҳолатда рейтингда иккинчи ўринда бораётган Доминик Бризилга қарши рингга чиқишга мажбур бўлади. Сулейманнинг айтишича, томонлар бир ҳафта ичида жангнинг ўтказилишини расман эълон қилишади.
Фикрлар