Уайлдернинг қачон рингга қайтиши ҳақида маълумот берилди

"Оғир вазн тоифасида собиқ жаҳон чемпиони Деонтей Уайлдер WBC чемпиони Тайсон Фьюри билан ўтказилган реванш жангида нокаутга учраган ва камига қўлини синдириб олган эди. Энди у жарроҳлик столига ётади. Тикланиш муддати эса камида ярим йил бўлади. 35 ёшли америкалик келаси йилнинг апрель-май ойларида рингга қайтиши мумкин", - деди унинг менежери Шелли Финкель. 

"Унга операция керак. Орқа бўғим суяги синган, қолган ҳаммаси жойида. Унинг аҳволи яхши, у кеча уйда эди. У тузалмоқда ва ҳозирда ҳаммаси яхши бўлса, операциядан кейин, эҳтимол, апрель-май ойларида рингга қайтишини кутиши мумкин", дея The Sun нашрига берган интервьюсини якунлаган Финкель. 

Уайлдер 2016 йил июль ойида Крис Арреолага қарши жангда ўнг билагини шикастлаб олганди, ўшанда ҳам у операция қилинган эди.

Аввалроқ, Уайлдернинг мураббийи Малик Скотт боксчи профессионал рингдаги юришларини тугатиш ниятида эмаслигини айтиб, Уайлдерни келажакда ҳам катта жанглар кутаётганига ишонч билдирганди.