Уч нафар ҳамюртимиз Octagon 58 турнирида жанг қилди

Оқшом доирасида уч нафар ўзбекистонлик аралаш яккакураш устаси - Омонулло Йўлдошев, Зулфия Қўрбошова ҳамда Мавлонбек Миркомилов ҳам ўз жангларини ўтказишди.

Енгил вазндаги Мавлонбек Миркомилов (5-2-1) қозоғистон Жансерик Жаксигулули (5-5-1)га қарши кечган жангда ҳакамларнинг якдил қарори билан ғалаба қозонди. Афсуски, қолган икки яккакурашчимиз рақибларига имкониятни бой бериб қўйишди. 

Аёллар ўртасида минимал вазнда октагонга чиққан Зулфия Қўрбошова (2-1-0) Қирғиз Республикаси вакиласи Фарида Абдуева (Қирғизистон, 3-1-0)га ҳакамларнинг якдил қарори билан ютқазиб қўйди. Энг енгил вазндаги Омонулло Йўлдошев (2-1-0) эса баҳрайнлик Мурод Ибрагимов (3-0-0)дан 1-раунддаёқ енгилди.