Уч нафар теннисчимиз Покистондаги турнирда

Соврин жамғармаси 15 000 АҚШ долларини ташкил қилувчи мусобақада уч нафар ҳамюртимиз ҳам иштирок этяпти. Улардан икки нафари саралаш баҳсларида ғолиб чиқиб, асосий тўрга йўл олишди. 

Шониғматжон Шофайзиев саралашнинг финал босқичида биринчи рақам остида таснифланган эронлик Надаф Ҳамидризони 4:6, 6:2, 6:3 ҳисобида таслим этди. Амал Султонбеков эса тожикистонлик Фаридуни Баҳодирдан 6:3, 6:3 ҳисобида устун келди. 

Саидаъло Саидкаримов эса рейтинги бўйича тўғридан-тўғри асосий тўрда қатнашиш ҳуқуқини қўлга киритган. Қуръа натижасига кўра, Шофайзиев асосий тўрнинг илк даврасида турнирнинг тўртинчи ракеткаси япониялик Сора Фукудага, Султонбеков покистонлик Аҳмад Чоудхарига, Саидкаримов эса россиялик Владимир Поляковга қарши кортга чиқади.