Уч самбочимиз Жаҳон кубогининг финалида, яна уч нафарида бронза!

Самбо спорт тури асосчиларидан бири А.Харлампиев хотирасига бағишлаб ўтказилаётган ушбу мусобақада ўзбекистонлик самбочилар ҳам юртимиз шарафини ҳимоя қилишяпти. Ҳозиргача ўтказилган баҳсларда уч нафар самбочимиз финал йўлланмасини қўлга киритди. 

Жанговор самбо бўйича ўтказилаётган мусобақанинг -82 вазн тоифасидаги баҳсларида иштирок этаётган Бекзод Нурматов ярим финалда ирландиялик рақибини мағлубиятга учратиб, финал йўлланмасини қўлга киритди. -68 кг вазндаги самбочимиз Зафар Аллабергенов Жанубий Корея ва Қирғизистон давлати вакилларини енгиб, финалга чиқди. 

-57 кг вазн тоифасида юртимиз шарафини ҳимоя қилаётган Сирожиддин Анорқулов ҳам олтин медал учун баҳс олиб боради. У ярим финалда туркманистонлик рақибидан устун келди. Бу уч самбочимиз бироздан сўнг олтин медал учун гиламга чиқишади. 

Самбо мусобақасининг ярим финалида мағлубиятга учраган -82 кг вазндаги Улуғбек Раҳмонов, -68 килограмдаги Тимур Худойқулов ҳамда қизлар ўртасидаги -52 кг вазндаги вакиламиз Зуҳрахон Маъмуржонова бронза медалига сазовор бўлишди.