УЕФА Моуриньонинг дисквалификацияси бўйича апелляцияни рад этди

Клуб бу бўйича УЕФАга апелляция берганди. Бироқ ташкилот ушбу дисквалификацияни ўз кучида қолдирди. Шу тариқа, "Рома"нинг Европа лигаси гуруҳ босқичидаги дастлабки тўртта ўйинида Моуриньо захира ўриндиғида бўлмайди. 

Эслатиб ўтамиз, Европа лигаси финалида "Севилья"га қарши учрашувда ҳакам Энтони Тейлор "Рома"нинг етти нафар футболчисига сариқ карточка кўрсатганди. Шундан сўнг Моуриньо ҳакамликдан норози бўлган ва Тейлорни ҳақорат қилганди.