UFC 2025 йил ўтказиладиган дастлабки 11 та турнирини эълон қилди

2025 йилги илк мусобақа Лос-Анжелесда ўтказилади. Рақамланган UFC 311 турнири янги "Клипперс" аренасида бўлиб ўтади. Бу промоушеннинг 2018 йилдан бери Лос-Анжелесга биринчи ташрифи ҳисобланади. Турнирда ўзбекистонлик Богдан Гусков ҳам жанг қилади.

UFC 312 Австралиянинг Сидней шаҳридаги "Кудос Банк" аренасида бўлиб ўтади. UFC бу ердаги сўнгги турнирини 2023 йилнинг сентябрь ойида тадбир ўтказганди. UFC 313 турнири эса Лас-Вегасдаги "Т-Мобайл Арена"да бўлиб ўтади.

Шунингдек, саккизта Fight Night мусобақаларининг ҳам ўтказилиши режалаштирилган. Улардан тўрттаси Лас-Вегасдаги UFC Apex мажмуасида бўлиб ўтади, яна бири 1 февраль куни Саудия Арабистонининг Ар-Риёд шаҳрида, бошқаси эса 22 март куни Лондонда ўтказилиши режалаштирилган.

Иккита Fight Night мусобақасининг манзили ҳозирча аниқланмаган.