UFC 2025 йил учун ақлдан оздирадиган мегажанг тайёрламоқда

UFC раҳбари Дана Уайтнинг айтишича, кечадан ММА мухлисларини ақлдан оздириб қўядиган даражада мегажанг ташкил этиш ишлари бошланган. Бу ҳақда у UFC on ESPN 63 турниридан кейинги матбуот анжуманида хабар берган.

"Ҳозир мен бир жангни ташкил этиш бўйича иш бошладим. Ишонинг, бу жангни эшитган ММА мухлиснинг ақли шошиб қолади. Сиз ҳатто тасаввур ҳам қила олмайсиз. Бу жанг 2025 йилда ўтказилади. Кеча ушбу жангни ўтказиш бўйича бўйича илк қадам ташланди", - деди Дана Уайт. 

Гап Жон Жонс - Том Аспиналл жанги ҳақида кетмаяпти. Ваҳоланки. UFC раҳбари бу тўқнашувга оғир вазн тоифаси тарихидаги энг буюк жанг таърифини берганди. Бу Конор Макгрегорнинг қайтиши ҳам эмас экан. Дана Уайт ҳозирча бу жангни ошкор этмаяпти. Балки, Хабиб Нурмагомедовнинг қайтишидир.