11 фев 17:07
Янгиликлар

Бокс/ММА

UFC 221. Ромеро Рокхолдни нокаутга учратди

Австралиянинг Перт шаҳрида аралаш қоидалар бўйича UFC 221 турнири бўлиб ўтди.

Оқшомнинг марказий жангида Йоэль Ромеро Люк Рокхолдга қарши октагонга кўтарилди. Жангнинг учинчи раундида кубалик спортчи рақибига кучли зарба берди. Бунинг натижасида Люк мувозанатни йўқотиб қўйди.

Ромеро муваффақиятини ривожлантириш мақсадида кетма-кет зарбалар сериясини йўллади. Рефери эса бу вазиятда жангни тўхтатишдан ўзга чора топа олмади.

Аслида ушбу жанг ғолиби ўрта вазнда вақтинчалик UFC чемпиони бўлиши керак эди. Лекин Йоэль Ромеро белгиланган вазн меъёрини бажара олмагани учун унга чемпионлик камари тақдим этилмади.