UFC 229. Жанг оқшомидаги гонорарлар қанча?

Оқшомининг асосий тўқнашуви Хабиб Нурмагомедов ва Конор МакГрегорлар ўртасида ўтказилади. Баҳс учун Конор 3 миллион, Хабиб эса 2 миллион доллар кафолатланган гонорарга эга бўлиши ҳақида хабар қилиб ўтгандик.

Жанг натижаси, трансляцияларданр олинадиган даромадга қараб бу рақамлар янада ошади. МакГрегор матбуот анжуманида 50 миллион доллар ишлаб олишни истаётганини маълум қилган бўлса, Хабибнинг жамоаси 10 миллион доллар пул ишлаб олишга умид қилмоқда.

Марказий жанг олдидан андекарт баҳслар ҳам бўлиб ўтади. Унда UFCнинг собиқ чемпиони Тони Фергюсон Энтони Пэттисга қарши тўқнаш келади. Маълум бўлишича, Тонига 155 минг, Пэттисга эса 290 минг пул ваъда қилинмоқда.

Александр Волков эса Деррик Льюисни мағлуб этса, 75 минг доллар мукофотга эга бўлади. Льюис эса ғалаба учун 135 минг АҚШ доллари олади.