UFC 281 турнирининг асосий карди тасдиқланди

Нью-Йоркдаги афсонавий "Мэдисон Сквер Гарден" аренаси мезбонлик қиладиган UFC`нинг ушбу рақамли турниридан иккита чемпионлик жанги ўрин олган. 

Марказий жанг ўрта вазн (84 кг.гача) тоифасида амалдаги чемпион, Янги Зеландия вакили Исраэль Адесанья (23-1) ҳамда бразилиялик Алекс Перейра (6-1)ўртасида бўлиб ўтади.

UFC 281 турнирининг co-main event жангида эса аёллар ўртасида минимал вазн тоифаси чемпиони Карла Эспарза собиқ чемпион, хитойлик Вейли Чжанга қарши октагонга кўтарилди. Эспарза бундан аввалги жангини UFC 274 турнири доирасида Роуз Намаюнасни 47-48, 49-46, 48-47 ҳисобида мағлуб этиб, янги чемпионга айланганди. 

Икки асосий жангдан томошабоплиги жиҳатидан қолишмайдиган яна бир тўқнашув америкаликлар Дастин Порье ва Майкл Чендлер ўртасида ўтказилади. 

UFC 281. Асосий кард:

Исраэль Адесанья (Янги Зеландия) – Алекс Перейра (Бразилия)

Карла Эспарза (АҚШ) – Вейли Чжан (Хитой)

Дастин Порье (АҚШ) – Майкл Чендлер (АҚШ)

Фрэнки Эдгар (АҚШ) – Крис Гутьеррес (АҚШ)

Дэн Хукер (Австралия) – Клаудио Пуэльес (Перу)