UFC 291 турнирининг асосий карди тасдиқланди

UFC промоушени томонидан шу ҳафтанинг якшанба тонгида АҚШнинг Соль-Лейк-Сити шаҳрида ўтказиладиган UFC 291 турнирининг асосий карди тасдиқланди. Аралаш яккакураш усталарини даҳшатли жанглар кутмоқда. 

Оқшомнинг марказий жанги америкалик енгил вазн (70 килограммгача) тоифаси вакиллари - Дастин Порье ҳамда Жастин Гэтжи ўртасида бўлиб ўтади. Реванш мақомидаги ушбу жангда Гэтжи аламини олишга уриниб кўради. Ғолиб жангчи чемпионлик камари учун расмий даъвогарга айланади. 

Собиқ UFC чемпионлари - Алекс Перейра ва Ян Блахович эса аҳамияти жиҳатидан иккинчи жангда ярим оғир вазн тоифасидаги чемпионлик камари учун октагонга кўтарилишади. Оёғидан олган жароҳати сабаб узоқ муддатга сафдан чиққан Жамал Хилл камарни вакант қолдирганди.  

UFC 291. Асосий кард:

Дастин Порье (АҚШ) – Жастин Гэтжи (АҚШ);

Ян Блахович (Польша) – Алекс Перейра (Бразилия);

Стивен Томпсон (АҚШ) – Мишель Перейра (Бразилия);

Тони Фергюсон (АҚШ) – Бобби Грин (АҚШ);

Майкл Кьеза (АҚШ) – Кевин Холланд (АҚШ).