UFC 297 турнирининг барча натижалари ҳамда бонус соҳиблари битта хабарда

Оқшомнинг асосий жанги ўрта вазн тоифаси чемпионлиги учун кечди. Беш раунд тўлиқ давом этган жангда даъвогар Дрикус Дю Плесси чемпион Шон Стрикландни ҳакамларнинг айри қарори (48-47, 47-48, 48-47) билан мағлубиятга учратди. Ҳакамлардан икки нафари Плессининг, яна бири Стрикланднинг ғалабасини таъминлаган.

Турнирнинг сo main-event жанги ҳам чемпионлик камари учун бўлиб ўтди. Унда Ракэль Пеннингтон рақибаси Майра Буэно Силвани ҳакамларнинг якдил қарори (49-46, 49-46, 49-45) билан таслим этиб, аёллар ўта енгил вазн тоифасида янги чемпионга айланди. 

UFC матбуот хизмати бугунги турнирнинг бонус соҳибларини ҳам эълон қилди. Оқшомнинг энг яхши жанги сифатида Шон Стрикланд ва Дрикус Дю Плесси ўртасидаги турнирнинг асосий жанги тан олинди. Ёрқин жанг намойиш этган Жиллиан Робертсон ва Жасмин Жасдависиус ҳам бонусга лойиқ кўрилди. Бу тўрт жангчига кафолатланган гонорардан ташқари 50 минг доллардан бонус, яъни мукофот пуллари ҳам тақдим этилди.  

Эрта прелим кард жанглари натижалари:

Жимми Флик иккинчи раундда Малколм Гордонни бўғиш усули билан енгди; 

Жасмин Жасдависиус учинчи раундда Присцила Качоэйрани бўғиш усули билан мағлуб этди; 

Сэм Паттерсон Йохан Лайнессни биринчи раундда бўғиш усули билан таслим этди;

Прелим кард жанглари натижалари:

Жиллиан Робертсон иккинчи раундда Полиана Вианани техник нокаутга учратди; 

Рамон Таверас ҳакамларнинг айри қарори билан Серхия Сидеядан устун (29-28, 28-29, 29-28) келди; 

Шон Вудсон очколар ҳисобига кўра Чарльз Жорденни енгди (29-28, 28-29, 29-28); 

Гарретт Армфилд очколар ҳисобига кўра Брэд Катонни ютди (29-28, 29-28, 29-28).

Асосий кард жанглари натижалари:

Мовсар Евлоев ҳакамларнинг якдил қарори билан Арнольд Алленни мағлубиятга учратди (29-28, 29-28, 29-28); 

Крис Кёртис ҳакамларнинг айри қарори билан Марк-Андре Бариодан устун келди (30-27, 28-29, 30-27); 

Нил Мэгни учинчи раундда Майк Мэлоттни техник нокаутга учратди (4:45); 

Ракэль Пеннингтон ҳакамларнинг якдил қарори билан Майра Буэно Силвани таслим этди (49-46, 49-46, 49-45). 

Оқшомнинг асосий жанги:

Дрикус Дю Плесси ҳакамларнинг айри қарори билан чемпион Шон Стрикландни ютди (48-47, 47-48, 48-47).

Бонуслар:

Энг яхши жанг – Шон Стрикланд vs Дрикус Дю Плесси. 

Ёрқин жанглари учун – Жиллиан Робертсон ва Жасмин Жасдависиус.