UFC 316 турнирининг бонус соҳиблари маълум

Дунёнинг энг кучли Лигаси матбуот хизмати томонидан бугунги оқшомнинг бонус соҳиблари эълон қилинди. Кафолатланган гонорардан ташқари 50 000 АҚШ долларидан иборат мукофот пуллари тўрт нафар жангчига тақдим этиладиган бўлди. 

Асосий жангда собиқ чемпион Шон О’Мэллини мағлуб этган грузиялик Мераб Двалишвили бонуслардан биринчи қўлга киритди. Шон реванш жангида чемпионлик камарини қайтариб олиш имкониятидан фойдалана олмади. Мераб учинчи раунднинг охирларида бўғиш усули билан таслим этди.   

Аёллар ўртасида ўта енгил вазн тоифасида янги UFC чемпионига айланган Кайла Харрисоннинг ҳаракати ҳам бонусга лойиқ кўрилди. Дзюдо бўйича икки карра Олимпиада чемпиони бўлган америкалик аралаш яккакураш устаси ҳамюрти Жулианна Пеньянинг камарини тортиб олди. У иккинчи раунд аввалида кимура усулида рақибасини финиш қилди. 

Шунингдек, ёрқин жанг учун америкалик тажрибали Кевин Холланд ва кореялик Жу Сан Ю ҳам 50 000 долларлик чекка эга чиқди. Кевин иккинчи раундда бразилиялик Висенте Лукени бўғиб қўйган бўлса, Сан Ю UFC`даги дебют жангининг 28-сониясидаёқ индонезиялик Жек Сарагини нокаутга учратди.