UFC 324 турнирининг асосий жанги эълон қилинди - камар учун! + ПОСТЕР

Унда америкалик Жастин Гэтжи британиялик Пэдди Пимблеттга қарши қарши октагонга кўтарилади. Бу 24 январь куни АҚШнинг Невада штати Лас-Вегас шаҳрида бўлиб ўтадиган UFC 324 турнирининг асосий жангига айланади.

Жаҳоннинг энг кучли Лигаси енгил вазннинг амалдаги чемпиони Илия Топуриянинг шахсий ҳаётидаги ечимини кутаётган муаммо туфайли ўз фаолиятини вақтинча тўхтатаётганини эълон қилганидан кўп ўтмай, ушбу жанг ҳақида расман эълон қилди.

Пэдди Пимблетт жорий йилнинг апрель ойида бўлиб ўтган сўнгги жангида Майкл Чендлерни учинчи раундда техник нокаутга учратганди. Британиялик бу билан ғалабали сериясини еттита жангга етказиб олганди. 

Жастин Гэтжи эса ўтган йилнинг апрель ойида BMF камарини бой берган эди. У бешинчи раундда Макс Холлоуэйга нокаут билан ютқазганди. Шундан кейин Жастин шу йилнинг март ойида ҳакамларнинг якдил қарори Рафаэль Физиевни мағлубиятга учратди. 

Маълумот учун, айни пайтда Жастин Гэтжи енгил вазн тоифаси UFC рейтингида тўртинчи, Пэдди Пимблетт эса бешинчи ўринни эгаллаб турибди. Ғолиб Илия Топуриянинг чемпионлик камари учун расмий даъвогарга айланади.