03 фев 17:27
Янгиликлар

Бокс/ММА

UFC Fight Night 125. Додсон - Муньос жанги ўтказилмайди

Аралаш қоидалар бўйича узоқ кутилган UFC Fight Night 125 оқшоми доирасидаги Жон Додсон (19-9) ва Педро Муньос (16-2) ўртасидаги жанг ўтказилмайдиган бўлди.

Бунга Педро Муньоснинг тарозидан ўтиш маросимида вазни белгиланган меъёрдан 4 фунтга ортиб кетганлиги сабаб бўлди. Турнир ташкилотчилари бу ҳолатда жангни бекор қилишди.

Шу тариқа, оқшомнинг марказий жанги қирғизистонлик Валентина Шевченко ва Присцилла Кашейра ўртасида бўлиб ўтади. Яна бир қизиқарли жангда Дуглас де Андраде ва Марлон Вера ўзаро тўқнаш келишади. UFC Fight Night 125 оқшоми бугун Бразилиянинг Белеме шаҳрида ўтказилади.