27 окт 19:21
Янгиликлар

Бокс/ММА

UFC Fight Night 138. Артём Лобов бугун тунда октагонга чиқади

Икки вазнда собиқ UFC чемпиони Конор Макгрегорнинг жамоадоши Артём Лобов Америка вақти билан бугун тунда (бизнинг вақт билан эртага тонгда) навбатдаги жангини ўтказади.

Унинг рақиби америкалик Майкл Жонсон бўлади. Бугун спортчилар тарозидан ўтиш маросимида иштирок этишди ва афсуски, Жонсон вазн меъёрини бажара олмади. Унинг вазни ортиқча чиқди. Майкл Зубайра Тухуговнинг ўрнини эгаллаганди ва унда тайёргарлик учун бор йўғи икки ҳафта бор эди.

Жонсоннинг вазни юқори бўлишига қарамай, Артём Лобов жангга розилик берди. Спорт комиссияси Жонсонни жаримага тортди ва гонорарининг 20 фоизини Лобов ҳисобига ўтказиб берди.