28 окт 14:43
Янгиликлар

Бокс/ММА

UFC Fight Night 138. Артём Лобов октагонга чиқди

Икки вазнда собиқ UFC чемпиони Конор Макгрегорнинг жамоадоши Артём Лобов навбатдаги жангини ўтказди.

Унинг рақиби америкалик Майкл Жонсон бўлди. Кеча спортчилар тарозидан ўтиш маросимида иштирок этишган ва Жонсон вазн меъёрини бажара олмаганди. Шунга қарамай, Артём Лобов бу жангга розилик берган эди.

Аслида Майкл Зубайра Тухуговнинг ўрнини эгаллаган ва унда тайёргарлик учун бор йўғи икки ҳафта бор эди. Спорт комиссияси вазн сабаб Жонсонни жаримага тортди ва гонорарининг 20 фоизини Лобов ҳисобига ўтказиб берди.

Уч раундга мўлжалланган жанг ғолиби очколар ҳисобига кўра аниқланди. Ҳакамлар иккинчи ва учинчи раундларда устунликка эришган Жонсонга 29-28, 29-28, 30-27 ҳисобидаги ғалабани тақдим этишди.