27 мар 08:35
Янгиликлар

Бокс/ММА

UFC Fight Night 205. Марказий жангда нокаут қайд этилди + 10 та ФОТО

Бироз аввал АҚШнинг Коламбус шаҳридаги "Нейшнвайд-Арена" стадионида навбатдаги UFC турнири якунига етди.

UFC Fight Night 205 оқшомининг марказий жанги оғир вазн тоифасида ўтказилиб, унда америкалик 31 ёшли Кёртис Блэйдс 32 ёшли ватандоши Крис Докосга қарши октагонга чиқди.

Беш раундга мўлжалланган жанг иккинчи раунднинг 17-сонияси ўтиб бораётган бир паллада тўхтатилди. Блэйдс рақибини нокаут эвазига мағлубиятга учратди. Бу Кёртиснинг фаолиятидаги 16-ғалабаси эди. Ҳисобида 3 та мағлубият ҳам бор.

Эслатиб ўтамиз, Кёртис Блэйдс UFC оғир вазнлилар рейтингида 4-ўринни эгаллаб турибди. Крис Докос эса 9-поғонадан жой олган. Фрэнсис Нганну эса дивизион чемпиони ҳисобланади.