22 май 08:46
Янгиликлар

Бокс/ММА

UFC Fight Night 206. Марказий жанг тўлиқ давом этди

Бироз аввал АҚШнинг Лас-Вегас шаҳрида навбатдаги UFC турнири ўз якунига етди.

UFC Fight Night 206 турнирининг марказий жанги аёллар ўта енгил вазн тоифасида собиқ UFC чемпиони Холли Холм ҳамда вазн рейтингида 5-ўринни эгаллаб турган Кетлен Виейра ўртасида ўтказилди.

UFC APEX стадионида ўтган жанг беш раунд давом этди ва ғолибани ҳакамлар қўйган баллар аниқлаб берди. Ҳакамлардан икки нафари бразилиялик Виейра, яна бири эса америкалик Холли Холмнинг ғалабасини таъминлаган.

48-47, 48-47, 47-48 ҳисобида ғалаба қозонган Кетлен кейинги жангини чемпионга қарши ўтказиш истагида эканини маълум қилди. Бу Виейранинг 13-ғалабаси бўлди. Ҳисобида яна икки мағлубият ҳам бор.

Оқшом доирасидаги яна бир қизиқарли жангда бразилиялик Мишель Перейра аргентиналик Сантьяго Понциниббиони 28-29, 30-27, 29-28 ҳисобида таслим этди.

Шунингдек, асосий кард жангларида Чиди Нджокуани Душко Тодоровични нокаутга учратди. Табата Риччи Польян Вианни (29-28, 29-28, 29-28), Пак Чун-Ён Эрик Андерсни мағлубиятга учратди (28-29, 29-28, 29-28).