25 фев 11:09
Янгиликлар

Бокс/ММА

UFC Fight Night 237 турнирининг марказий жанги тўлиқ давом этди

Бироз аввал Мексика пойтахти Мехико шаҳрида навбатдаги UFC турнири якунига етди.

UFC Fight Night 237 оқшомининг асосий жанги энг енгил вазнда собиқ UFC чемпиони, мексикалик Брэндон Морено ҳамда америкалик Брэндон Ройвал ўртасида бўлиб ўтди. Жанг тўлиқ беш раунд давом этди ва якунда ҳакамларнинг айри қарори (48-47, 46-49, 48-47) билан Ройвал ғалаба қозонди.

Уч ҳакамдан икки нафари ғалабани америкалик жангчига тақдим этган. Бу Морено учун кетма-кет иккинчи мағлубият бўлди.