UFC Fight Night 242 турнирининг барча натижалари битта саҳифада

UFC Fight Night 242 оқшомининг марказий жангда яримўрта вазн тоифаси вакиллари - бразилиялик Гилберт Бёрнс ҳамда америкалик Шон Брэди октагонда ўзаро тўқнаш келишди. Беш раунд тўлиқ давом этган жангда Шон Брэди ҳакамларнинг якдил қарори билан ғалаба қозонди — 50-45, 49-46, 50-45.

UFC Fight Night 242 турниридан жами 12 та жанг ўрин олган бўлиб, тенг ярми муддатидан аввал якунига етди. Оқшомнинг co-main event жангида Наталья Силва номдор рақибаси Жессика Андрадэни ҳакамларнинг якдил қарори билан таслим этди - 30-27, 30-27, 30-27. 

Прелим кард:

Натан Флетчер иккинчи раунднинг 1-дақиқаси 14-сониясида Зигимантас Рамашкани бўғиш усули билан мағлуб этди (1:14); 

Андрэ Петроски Дилан Будкани очколар ҳисобига кўра енгди (30-27, 30-27, 30-27); 

Жаклин Аморим Ванесса Демопулосни биринчи раундда оғритиш усули билан мағлубиятга учратди (3:28); 

Габриэль Сантос Йи Жадан очколар ҳисоби билан устун келди (30-26, 30-26, 30-27); 

Андре Лима Фелипе Дос Сантосни очколар бўйича мағлуб эта олди (30-27, 29-28, 29-28); 

Айзек Дулгарян Брендан Мэрротни иккинчи раундда бўғиб қўйди (4:19); 

Крис Падиллья Ронг Жуни иккинчи раундда техник нокаутга учратди (4:14). 

Асосий кард:

Янал Ашмоз Тревор Пикни очколар бўйича мағлуб этди (30-27, 29-28, 29-28); 

Коди Дарден Мэтт Шнеллни иккинчи раундда бўғиш усули билан енгди (0:19); 

Стив Гарсия Кайл Нельсонни иккинчи раундда техник нокаутга учратди (3:59); 

Наталья Силва Жессика Андрадэдан очколар ҳисобига кўра устун келди (30-27, 30-27, 30-27). 

Асосий жанг:

Шон Брэди Гилберт Бёрнсни очколар ҳисоби билан таслим этди (50-45, 50-45, 49-46).