UFC Fight Night 252 турнирининг асосий жанги муддатидан аввал тўхтатилди

UFC Fight Night 252 оқшомининг асосий жанги ўта енгил вазнда - икки вазн тоифасида собиқ UFC чемпиони Генри Сехудо ҳамда хитойлик Сонг Ядонг ўртасида ўтказилди. Жанг учинчи раунддан сўнг тўхтатилди. 

Гап шундаки, учинчи раунд давом этаётган бир пайтда Сонг рақибининг кўзига қўлини суқиб олди. Генри рақибим кўзимга иккита бўлиб кўриняпти деганидан кейин шифокор тавсияси, Сехудонинг мураббийлари билан суҳбатидан кейин жанг тўхтатилди. 

Натижада уч раунд натижалари ҳисоб-китоб қилиниб, ғолиб аниқланди. Унда Ядонг 29-28, 29-28, 30-27 ҳисобларида ғалаба қозонди. Сехудо фаолиятидаги бешинчи мағлубиятини қабул қилиб олди. Ҳисобидаги ғалабалари сони 16 талигича қолди. Ядонг эса бугун 19-ғалабасини тантана қилди. Унинг ҳисобида 6 та мағлубият ҳам бор. Битта жангида дуранг қайд этилган бўлса, яна бир жанги ўтказилмаган дея топилган.