UFC Fight Night турнирининг бонус соҳиблари маълум

Оқшомнинг асосий воқеаси баҳсли ўтган бўлса-да, унда ғалаба қозонга Габриэл Бонфим бонуслардан бирига лойиқ кўрилди. Жанг техник нокаут деб эълон қилинган вазиятда Ренди Браун бунга жиддий қаршилик кўрсатди. Аммо рефери фикрини ўзгартирмади.   

Иккинчи 50 000 долларлик бонус британиялик Кристиан Лерой Данканга насиб этди. У турнирнинг асосий кардини очган жангда Марко Тулиони ажойиб тарзда нокаутга учратди. 

Шунингдек, промоушен дебютанти, оғир вазн тоифасидаги америкалик Жош Хокитнинг 56 сонияда ҳамюрти Макс Гименисни нокаутга учратгани ҳам "Оқшом намойиши" учун бонус сифатида қайд этилди.

Тўртинчи бонус америкалик Закари Ризга насиб этди. У қисқа муддатда жангни қабул қилганига қарамай, Жексон Маквейни иккинчи раунднинг 1:38 дақиқасида ортдан бўғиб қўйди.