UFC Жон Жонс сўраган гонорарга рози бўлди

Оғир вазн тоифасида амалдаги UFC чемпиони Жон Жонс навбатдаги чемпионлик ҳимоя жанги учун 30 миллион АҚШ доллари миқдорида гонорар сўраган эди. Жонс вақтинчалик UFC чемпионлик камари соҳиби бўлиб турган британиялик Том Аспиналлга қарши октагонга чиқади.

"Ҳа, рақиб Аспиналл бўлади. Ҳозир томонлар музокараларнинг якуний босқичида. Билишимча, UFC раҳбарлари Жон Жонс сўраётган 30 миллион доллар гонорарни беришга рози бўлган", - деди Роган. 

Эслатиб ўтамиз, ўтган йилнинг ноябрь ойида Жонс ўзининг илк чемпионлик ҳимоя жангини ўтказган эди. Нью-Йоркда ўтган UFC 309 турнирининг марказий жангида у дивизионнинг собиқ чемпиони Стипе Миочични учинчи раундда техник нокаутга учратганди. Том Аспиналл эса июль ойида Манчестердаги UFC 304 турнирида Кертис Блэйдсни биринчи раунддаёқ мағлуб этиб, вақтинчалик чемпионлик камарини муваффақиятли ҳимоя қилганди.