13 апр 07:32
Янгиликлар

Бокс/ММА

UFC Оқ уйдаги турнир учун рекорд даражадаги бонусларни эълон қилди

14 июнь куни Оқ уйда бўлиб ўтадиган АҚШ мустақиллигининг 250 йиллигига бағишланган катта UFC турнири иштирокчилари мисли кўрилмаган мукофот пулларига эга чиқишади.

11 апрель куни Майамида бўлиб ўтган UFC 327 турнирида промоушен раҳбарлари 1 миллион долларни бонус сифатида жангчиларга бўлиб беради.

UFC ўзининг ўн йиллигини нишонлаётган узоқ йиллик ҳомийларидан бири билан ҳамкорликда тақдим этадиган ушбу бонуслар ҳозирда 100 минг долларни ташкил этувчи "Энг яхши жанг" ва "Кечанинг энг яхши чиқиши" учун стандарт бонусларга қўшимча бўлади.

Бу миллион доллар қандай тақсимланиши кейинроқ маълум қилинади.

Расмий номи UFC Freedom 250 бўлган ушбу турнирда Илия Топурия ва Жастин Гэтжи ўртасидаги енгил вазн тоифасидаги чемпионлик жанги оқшомнинг асосий воқеаси бўлади. Алекс Перейра ва Сирил Ган ўртасидаги оғир вазн тоифасидаги вақтинчалик чемпионлик жанги эса co-main event мақомида бўлади.

Март ойи бошида турнирнинг олтита жанги тасдиқланганди:

Энг енгил вазн: Шон О’Мэлли — Айманн Захаби.

Енгил вазн: Маурисио Руффи — Майкл Чендлер.

Ўрта вазн: Бо Никал — Кайл Даукаус.

Ярим енгил вазн: Диего Лопес — Стив Гарсия.

UFC 327 турнирида ажойиб ғалабани қўлга киритиб, учталик бонусга эга чиққан оғир вазн тоифаси вакили Жош Хокитга шахсан АҚШ президенти Дональд Трамп тавсияси билан Оқ уй турнири кардидан жанг берилди. У 14 июнь куни Деррик Льюисга қарши октагонга чиқади.