21 дек 14:32
Янгиликлар

Бокс/ММА

UFC Пауло Коста, Ренато Мойкано, де Риддернинг жангларини эълон қилди + ПОСТЕР

Дунёнинг энг кучли лигаси матбуот хизмати промоушен раҳбарлари томонидан тасдиқланган бир нечта қизиқарли жангларни ошкор этди.

Жумладан, ўрта вазн тоифаси UFC рейтингида 13-ўринни эгаллаб турган бразилиялик Пауло Коста 8 март куни Лас-Вегас (Невада штати, АҚШ) шаҳрида бўлиб ўтадиган UFC 326 турнирида ҳамюрти Бруно Феррейрага қарши октагонга чиқади.

Бундан ташқари, ушбу турнир доирасида UFC ўрта вазн рейтингида еттинчи ўринни банд этган бразилиялик Кайо Борральо ҳамда рейтингнинг саккизинчи поғонасида бораётган нидерландиялик Ренье де Риддер ўртасида жанг бўлиб ўтади.

Шунингдек, тадбир доирасида енгил вазн тоифасида UFC чемпионлик камари учун собиқ даъвогар бразилиялик Ренато Мойкано америкалик Брайан Ортегага қарши жанг ўтказади.