19 ноя 11:37
Янгиликлар

Бокс/ММА

UFC президенти Макгрегорнинг "Ковбой"га қарши жанги ҳақида гапирди

Матбуотда икки вазн тоифасида собиқ UFC чемпиони ирландиялик Конор Макгрегорнинг Дональд “Ковбой” Серронега қарши жанг ўтказиши ҳақида хабарлар тарқаганди.

UFC президенти Дана Уайт бу маълумотга ойдинлик киритди.

“Декабрь ойида Конор ва Хабиб Невада штати Атлетик комиссиясининг йиғилишида ҳозир бўлишлари шарт. Унда айнан уларнинг масаласи кўриб чиқилади. Ўша йиғилишда биз Нурмагомедов ва Макгрегорнинг кейинги режалари ҳақида билиб оламиз.

Табиийки, режалар уларнинг қанча муддатга четлатиш олишига ҳам боғлиқ бўлади. Ҳозирча биз Конорнинг жанги ҳақида ўйламаяпмиз. Конорнинг Серронега қарши октагонга чиқиши эса ҳозирча ҳақиқатдан йироқ. Лекин Серроненинг ўзи бу жанг ўтказилишини истаяпти”, - деди Уайт.

Эслатиб ўтамиз, бир муддат аввал Серроне “Ковбой” ўзининг Instagram саҳифасида Макгрегорни октагонга чорлаган эди.