20 окт 10:46
Янгиликлар
Бокс/ММА
UFC президенти: “Нурмагомедов - Мейвезер? Эътибор берманглар!”
UFC президенти Дана Уайт енгил вазн тоифасида жаҳон чемпиони Хабиб Нурмагомедов ҳамда америкалик енгилмас боксчи Флойд Мейвезер ўртасида ўтказилиши кутилаётган жангга муносабат билдирди.
Уайтнинг айтишича, бу жангнинг ўтказилиш эҳтимоли ҳақиқатдан анча йироқ экан.
“Бунга эътибор берманглар! Биринчидан, Мейвезернинг жамоаси бизга Хабиб билан жанг ўтказишни сўраб мурожаат қилгани йўқ. Иккинчидан, Нурмагомедовнинг UFC билан шартномаси бор. Флойд ўзини кенг оммага яна бир бор эслатиб қўйиш учун Хабибдан фойдаланиб қолмоқчи”, - деди Уайт.
Эслатиб ўтамиз, бир муддат аввал Нурмагомедов Мейвезерни жангга чорлаганди. Ўз ўрнида америкалик афсона ҳам Хабибга қарши бокс қоидалари асосида рингга кўтарилишга тайёр эканлигини маълум қилган эди.
Ҳавола :
Фикрлар