UFC раҳбари Адесаньянинг навбатдаги рақиби ким бўлишини айтди

Бу ҳақда UFC президенти Дана Уайт Yahoo Sports нашрига берган интервьюсида маълум қилди.

"Агар Перейра ғалаба қозонаса, бу уни Адесаняга қарши қизиқарли жангга олиб боради. Бу йигитлар кўп жиҳатдан бир-бирига ўхшайди. Иккаласи ҳам GLORYʼдан келган. Перейра ўрта ва енгил вазнда собиқ чемпион ва у Адесаньяни икки бор мағлуб қилган. У UFC 276 турнирида кучли рақиб, Стриклэндга қарши октагонга кўтарилади ва бу жуда яхши жанг бўлади. Агар Перейра ғалаба қозонса, уни Адесанья билан жанг қилиши мантиқан тўғри", — деди Дана Уайт

Алекс Перейра ва Шон Стриклэнд ўртасидаги жанг 2 июль куни Лас-Вегасдаги UFC 276 турнирида бўлиб ўтади. Турнирнинг марказий жангида Исраэль Адесанья Жаред Каннонирга қарши унвонини ҳимоя қилади.

Эслатиб ўтамиз, Алекс Перейра кикбоксинг бўйича Исраэль Адесаньяни икки марта мағлуб этган.