10 июн 17:02
Янгиликлар

Бокс/ММА

UFC рейтинги янгиланди. Рамазон Темировнинг вазнида ўзгаришлар

Якшанба тонгида бўлиб ўтган UFC 316 турниридан сўнг Лига рейтингида ўзгаришлар бўлди.

Мазкур турнир доирасида бразилиялик Бруно Сильва устидан ғалаба қозонган Мьянма вакили Жошуа Ван ўта енгил вазн тоифаси рейтингида тўрт поғона юқорилаб, 10-ўринга кўтарилди. Сильва эса икки поғона қуйилаган ҳолда 14-ўринга тушди. Шунингдек, 10-ўринда бўлиб келган россиялик Тагир Уланбеков ҳам икки поғонага пастлади.

Маълумот учун, ушбу вазн тоифасида фаолият олиб бораётган ҳамюртимиз Рамазон Темиров 13-ўринни эгаллаб турибди. У 26 июль куни Абу-Дабидаги UFC Fight Night турнири доирасида саккизинчи поғонадаги қозоғистонлик Асу Алмабаев билан тўқнаш келади.