UFC Шанхай турнирининг асосий жанги айтилди

Ушбу оқшомнинг асосий жанги ўта енгил вазн тоифасида ўтказилиб, унда россиялик Умар Нурмагомедов хитойлик Сонг Ядонгга қарши октагонга чиқади. Бу ҳақда Нурмагомедовнинг жамоаси ҳисобланган Gorilla Fighting хабар берди. 

Эслатиб ўтамиз, ўтган йилнинг январь ойида Умар Нурмагомедов Мераб Двалишвилининг чемпионлик камарини тортиб олишга уриниб кўрган, аммо мағлубиятга учраган эди. Шундан сўнг у Марио Баутиста ва Дейвесон Фигередони ҳакамлар қарорига кўра таслим этган ва ҳозирда икки ғалабали серия билан келмоқда. 

Сонг Ядонг эса жорий йилда иккита жанг ўтказди. Аввалига Шон О`Мэллига ҳакамларнинг якдил қарори билан ютқазди, кейин эса иккинчи раундда Фигередони гилотина усулида бўғиб қўйди. 

Айни пайтда Нурмагомедов ва Сонг ташкилотнинг энг енгил дивизиони мета-рейтингида мос равишда иккинчи ва олтинчи ўринларни, матбуотнинг UFC рейтингида эса учинчи ҳамда бешинчи ўринларни эгаллаб турибди.