UFC Шон-шуҳрат зали аъзоси Марк Колман яна шифохонага ётқизилди

Бу сафар собиқ спортчи пневмония билан касалланиб, шифохонага ётқизилган.

"Кеча отам касалхонадан чиқарилди. Аммо биз уйда бор-йўғи бир соатча вақт ўтказган эдик, у қўллари ва кўкрагидаги оғриқни ҳис қила бошлади. Албатта, синглим ва мен уни касалхонага қайтаришга шошилдик, у ерда пневмония борлигини билиб олдик", деб ёзди Колманнинг қизи ижтимоий тармоқларда.

Эслатиб ўтамиз, аввалроқ Колманнинг Огаё штатидаги уйида ёнғин чиққан эди. У ота-онасини қутқаришга муваффақ бўлди, лекин уни уйғотган ити омон қолмади.