29 апр 08:21
Янгиликлар

Бокс/ММА

UFC тарихида илк бор аёл анонсер ишлади + ФОТО

Кеча АҚШнинг Лас-Вегас шаҳрида UFC Vegas 91 турнири ташкил этилган эди.

Ушбу турнир доирасида UFC тарихида илк бор аёл киши октагон-анонсери вазифасини бажарди. Бу ишни 2022 йилдан буён UFC мухбири сифатида ишлаб келаётган Чарль Арнольт амалга оширди.

Журналист Жон Морганнинг хабар беришича, мусобақанинг расмий октагон-анонсери Жо Мартинес ўзини ёмон ҳис қилгани туфайли ўз ишини якунлай олмаган. Шунда раҳбарият Чарлига Жонинг ўрнини эгаллашни таклиф қилган. Чарли Арнольт турнир доирасида Ариане Липски - Карина Сильва, Богдан Гусков - Раян Спэнн жангларида иш олиб борди.

Маълумот учун, мусобақа доирасида америкалик Раян Спэннга қарши жанг қилган ҳамюртимиз Богдан Гусков иккинчи раундда нокаут орқали ғалаба қозонди.