01 май 09:04
Янгиликлар

Бокс/ММА

UFC Vegas 53 турнирининг бонуслари кимларга насиб этди?

Хабар берганимиздек, бугун тонгда АҚШнинг Невада штати Лас-Вегас шаҳрида навбатдаги UFC турнири бўлиб ўтди.

Ташкилотчилар UFC Vegas 53 турнирининг бонуслари кимларга насиб этганини ошкор қилишди. Франсиско Фигередо ва Жоандерсон Брито яхши иштирок учун эътироф этилишди. Кечанинг марказий тўқнашуви эса турнирнинг энг яхши жанги деб топилди.

Беш раунд давом этган жангда эквадорлик Марлон Вера америкалик рақиби Роб Фонтни очколар ҳисобига кўра мағлуб этганди. Номлари тилга олинган уч жангчи кафолатланган гонорардан ташқари қўшимча 50 000 доллар мукофот пулига ҳам эга бўлишди.

Яна ҳам аниқроғи, Марлон Вера 100 000 доллар мукофот пули олди. Боиси, бир кун аввал тарозидан ўтиш маросимида Роб Фонт белгиланган вазн меъёрини бажара олмаган эди. Унинг бонуси ҳам Марлонга бериладиган бўлди.