UFC Vegas 62 турнирининг бонуслари кимларга насиб этди?

Турнирнинг энг яхши жанги сифатида Душко Тодорович (12-3 ММА, 3-3 UFC) ва Жордан Райт (12-4 ММА, 2-4 UFC) ўртасидаги тўқнашув тан олинди. Асосий карддан ўрин олган ушбу жангда Тодорович рақибини иккинчи раундда техник нокаут эвазига мағлубиятга учратди.  

Эътиборга молик жиҳати шундаки, жангнинг биринчи раундида Райт Душкони ҳар томонлама мағлуб этди. Ҳисобнинг 60-4 кўринишида бўлгани ҳам фикримизга исбот бўла олади. Иккинчи раундда вазият тамомила ўзгариб кетди. Тодорович маунтда Райтни йўқ қилиб ташлади. Ҳисоб 105-5 кўринишида Душко фойдасига бўлди, рефери бу вазиятда жангни тўхтатишга мажбур бўлди. 

Шунингдек, чиройли жанг ва ғалаба учун Жонатан Мартинес ва Татсуро Тайра ҳам кафолатланган гонорардан ташқари қўшимча 50 000 долларлик бонусга эга бўлди. 

Эслатиб ўтамиз, кечанинг марказий жанги аёллар енгил вазн тоифасида Алекса Грассо ҳамда Вивьен Арауджо ўртасида ўтказилиб, унда Грассо ҳакамларнинг якдил қарори (50-45, 49-46, 49-46) билан ғалаба қозонганди.